Teambericht Damen 1 - Rückblick 2016-2017

D Saison hett holprig ahgfange:
Viu Niederlage, schlechti Stimmig, dr Chopf lah hange, enttüschige, sech nonid gfunge, trotz allem motiviert zum wytercho, ä neui Trainersituation, neui Teamkonstellation, Verletzige, u doch dr Gloube dra dasmer chöi u wei.

Dr Wändepunkt: Mir hei gwüsst üses Team isch fähig das besser z mache u hei üs zure Krisesitzig zämeda. Ds Gspräch isch für aui erliechterend gsi, mir hei üs usgsproche u Schritte diskutiert wiemer besser chöi trainiere und üsi Bestleistig im Match abrüefe.

U so ischs när super wyter gange: Siegesserie, viu Publikum wo üs ungerstützt hett, top Matchvorbereitige, gueti u positivi Emotione, top Ihsatz u viu Kampgeist, Wille, geili Ahgriffe, perfekti Päss, wäutklass Abnahme u hammer Service... Was wott meh me?

So heimer üses Ziu erreicht, dr Ligaerhaut isch super gschafft mitem 6. Platz. Sehr viu cooli und spannendi Matche gha ohni ä 3:0 Niederlage müesse z kassiere. Nachdem mir viu engi Match mit chli Pech 3:2 verlore hei, heimer im auerletzte Match nomau auess gä u endlech 3:2 gwunne. Merci Phippu & Chrigu für die Saison u eue toll Ihsatz.

Üsi Zuekunft: viu Chrafteinheite mitem Pesche, Basistraining mitem Pele, Ballihheite mitem Chrigu, nid ganz z gliche Team, u doch mit ganz viu Motivation und Wille wärde mir üse Wäg ga.

Ufne wyteri tolli Saison im Dame 1! Yeeeeeeah!

Diese Webseite verwendet Cookies. Durch die Nutzung der Webseite stimmen Sie der Verwendung von Cookies zu.